Sumarfugl ven

Når verda sine veggar
Dimmar mine draumar

Når dei ytre rammene
Gjer innsida mi lita

Når det heile myrkret
Pressar mot vona mi

Då spør eg deg, sumarfugl ven
Fortel meg di historie
Ein gong til

Og igjen

Om koss ditt tronge rom
Var ditt gudgjevne føderom
For ei endelege endring

Til fritt rom
Til lysvakker von
Til dine farga vengeslag

Som endå dei er små
Ber makt i seg til å endra livsbana
Til dei største stormdraga jorda veit

Så stor er du
Og så stor var du då og i ditt tronge rom

Sumarfugl ven

Eg vil vera som deg
Og i mitt myrkre

So er det slett ikkje sanninga
At eg er mistaket i mitt tronge rom
Nei, eg er i mitt eige gudgjevne føderom

For fridom
For framtidsvon
For å faldast ut med mine eigne fargar